SATO SAKAKI

Suok Gadang Ndak Manganyang:
Sia nan ka jadi?

Dilewakan dek : E.S. Dt Tun Muhammad
@www.ocesatria.blogspot.com


Manjalang hari pancontrengan (dulu disabuik hari pencoblosan atawa hari mancucuak), di nagari awak Aie Angek saketek banyak muncul dilema atau kebingungan. Kebingungan itu disababkan karano ado ampek anak nagari kito nan punyo kasampatan ka tangah manjadi wakia rakyat, samantaro jumlah pemilih ndak begitu memadai untuk mahantarkan para caleg tu. Di sisi lain ado kehendak untuak mambulekkan suaro ka salah satu dari ampek caleg tu. Aratinyo perolehan suara bisa labiah optimal kalau suaro untuk surang dari ampek caleg.


Persoalannyo, ka ampek caleg tersebut ndak barasa dari ciek partai nan otomatis masiang-masiangnyo tantu ditarget dek induak samang mereka untuak marabuik suaro sabanyak-banyaknyo. Dan kalaupun mereka barasa dari ciek partai pun tetap ndak dijamin bisa saiyo sakato untuak mangalah dan manyarahkan peluang ka salah satu dari mereka. Di siko ego masiang-masiang caleg labiah dominan, mangeyampingkan kepentingan nagari.

Jadi, baa aka lai?

Mungkin mekanisme pengoptimalan suaro demi maloloskan anak nagari ka kantua wakia rakyat diupayakan oleh beberapa elemen dalam nagari. Misalnya kalangan pemuda, alim ulama, bundo kanduang dsb, berembug mancari kemungkinan penyatuan suaro. Dalam rembukan itu sadonyo elemen menilai dan mamutuihkan sia caleg nan benar-benar potensial untuak lolos, dari partai ma asalnyo, baa kapasitas pribadi jo kemampuan daya juangnyo, moral jo intelektualnyo.

Penting pulo mamperhitungkan partai apo nan manjadi induak samang si caleg. Aratinyo, caleg santiang, partainyo pun lai bataji yakni partai nan alah diketahui sepak terjangnyo mamperjuangkan janji-janji politik mereka. Dan nan ndak kalah penting tantu sajo mamperhatikan kapasitas intelektual, pengalaman dan moral si caleg.

Kini hari pancontrengan alah dakek. Ibaraik pertandingan layang-layang, hari tingga ciek. Masih ado kesempatan merumuskan strategi sekaligus mensosialisasikan ka masyarakaik banyak. Jan hanyo bangga nan kito dapek: banyak caleg dari Aie Angek, tapi akhirnyo ndak ado ciek pun nan jadi aleg. Ibaraik pameo: Suok Gadang ndak manganyang....!

Nah, baa di kito tu?

(pondok kelapa 0209)