Baitu pulo jo anak-anak mudo di kampuang halaman kito. Dari maso ka maso alah batuka generasi ka genarasi barikuiknyo. Tapi sumangaik berkesenian tetap tapilaharo. Bakat-bakat seni taruih tumbuah di kalangan remaja, baiak di bidang seni tari, seni musik maupun seni tradisional lainnyo.
Salah satu contoh kongkritnyo sarupo nan lah kito saksikan wakatu perhelatan Penyambutan Perantau Aie Angek saat momen Pulang Basamo Idul Fitri 1433.H nan lalu. Suguhan spesial untuak paraantau dipersembahkan oleh remaja-remaja kito dalam bantuak Tari Gelombang, tari tradisional untuak penyambutan tamu agung.
Dicaliak lagak jo romannyo, iyo ndak kalah pulo jo urang lain, sabana rancak sabana tacelak. Nan bujang gagah nan gadih kamek rancak dengan pakaian khas minang.
Mudah-mudahan bakat jo kekompakan remaja, pemuda di kampuang kito tetap terpeliharo dan semakin berprestasi handaknyo.
Tulisan: Eka Satria
Photo2 : Yuliusman Kamil
